Den oranan di anochi bisiñanan a yama polis pa un tourbus cu ta toca musica duro na nan yegada na un sportsbar na Tanki Leendert, mesora a dirigi un patruya na e sitio. Na yegada di e patruya nan a nota cu no tin ningun musica ta zona pero asina mes a papia cu e chauffeur di e tourbus pa ora nan ta yegando of saliendo for di e sportsbar baha e volumen un poco pa no stroba esnan cu ta drumi tempran. E chauffeur a mustra su comprencion pa cu e situacion.