![](https://www.awe24.com/wp-content/uploads/2020/01/C6C001E1-9293-48CA-8534-61C060C1CA77-668x334.jpeg?v=1579686129)
Diamars merdia a drenta informe di un accidente cu hende herida na e cruzada di Weststraat y Avenida Alo Tromp, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre un UTV cu tabata bini di pabao y un truck di carga cu tabata coriendo riba Weststraat bayendo nort. E UTV cu tabata bini cu un pareha turista den dje, a pasa e crusada sin para. E truck a dal e UTV y kentel e. E pareha turista a resulta levemente herida. Na yegada di e ambulans nan a atende e victimanan na e sitio mes.