Diamars anochi a drenta informe di un accidente cu hende herida dilanti Springfield Supermarket na Bernhardstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un dama cu su yiu cu a bay crusa caminda riba “zebrapad”. E mucha a sali ileso pero e dama a dal abao y tabata keha di dolor di lomba. Na yegada di e ambulans nan a atende e dama y mester a transporte pa hospital, mientras e yiu a keda na e sitio cu polis en espera di un familiar cu a keda di bin busk’e.