Diasabra madruga a drenta informe di un accidente na e rotonde Ser’i Teishi, mesora a dirigi un patruya na e sitio. Na yegada di e patruya a bin haya e Mitsubishi Colt A64678 na werki, esaki despues cu e chauffeur bayendo pariba a dal y bolter cu e auto aki na e rotonde. Milagrosamente ela sali ileso y a cana bay pabao lagando e auto na werki. Polisnan a rondia e chauffeur pero no a logra encontra cun’e. Takelwagen a busca e auto y a bay cu esaki confisca pa e chauffeur y/of doño pasa reclama.