Diadomingo anochi a drenta informe di un accidente hit & run cu hende herida na Ponton. Mesora a dirigi tanto polis como ambulans na e sitio. Na yegada di e patruya a bin compronde cu chauffeur di un pick-up Mazda Blanco lo a dal tras di un Suzuki Alto blauw. E chauffeur di e pick-up lo a bandona sitio despues di a causa e accidente. E heridonan lo a bisa cu no mester ambulans y cu nan lo check cu dokter. Polis a confisca e pick-up y a tuma datos di e accidente aki.