Dialuna atardi a drenta informe di un accidente cu hende herida riba e caminda panort di Parke Curason Jaburibari, mesora a dirigi tanto polis como ambulans na e sitio. Na yegada di e patruya a bin compronde cu tin masha hopi tera ambos banda di caminda cu ta confundi chauffeurnan y net na un birada. E auto bayendo pabao diripiente manera a mira e auto contrario a primi brake y e tera a manda e auto memey di caminda mientras e auto contrario tambe a brake y tambe a bay stret den e bocht mandando e auto bay dal den e otro. Debi na e impacto un persona a resulta levemente herida. Na yegada di e ambulans nan a atende e victima na e sitio.