Diadomingo merdia durante patruya den Belgiëstraat polis a bin topa cu un accidente cu hende herida y cu a caba di pasa. Aki ta trata di un accidente unda cu un Hyundai Accent a bay dal tras di un Chevrolet Spark. E impacto tabata fuerte y e 2 personanan sinta patras den e Spark tabata sinti dolor na schouder. Mirando cu tin 2 hende herida ta keha di dolor a pidi ambulans na e sitio. Polis a nota cu e chauffeur ta bao influencia y a bay test e y a bin resulta cu e ta bao influencia y polis a detene. E chauffeur a declara cu ela brake pero esaki no a gara. Vehiculo di transporte a bin busca e chauffeur deteni y a bay cun’e warda di polis. Mientras na yegada di e ambulans a atende ambos victima pero a bay cu un di nan so pa hospital.