Dialuna madruga durante patruya polisnan atento di distrito 1 (Oranjestad) a nota un auto dwars para dilanti Taco Bell na Kinikini building, nana a acerca y a mira e chauffeur drumi den e auto. Nan a lante y a atende cun’e, polis a dun’e chens pa e yama un hende pa bin buske ya cu e ta cansa y bebi asina hopi cu e ni por a sigui stuur p’e. Pero e homber aki no kier a coopera cu polis y no kier a duna su identificacion ya cu e ta asina inteligente cu e conose su derechonan y cu e no a haci nada malo y e no ta bay identifica su mes. E homber aki a keda para ariba cu e tin su derecho y ta ser deteni inhustamente. Despues di a tende tur e disparate cu e homber ta papia polis a boei e y a pidi vehiculo di transporte pa hib’e warda di polis. Foutnan cu e chauffeur a comete ta bebe demasiado alcohol, core auto bao influencia, parkeer malo, buracheria riba caminda publico, discuti y contradeci polis (autoridad) y gaña polis. Siendo e por a keda trankil coopera cu polis y warda su Didi yega y e lo a bay cas y den dia presenta na warda busca su yabi y bay recoge su auto.