Diamars den oranan di merdia un grupo di turistanan colombiano a bishita Parke Arikok y nan kier a cana bay te Conchi. Entre nan tabata tin 2 persona di edad cu tambe a bay cana cu nan pero na caminda nan a keda atras y nan a cana pa bay bek na e entrada. Ora e grupo a yega bek na e entrada nan no a mira e 2 personanan ey y a bati alarma y a sali bay busca nan pero no a encontra cu nan. A cuminsa bira scur y a pidi yudansa na polis cu nan helicopter. A busca den Rooi Cacho y vecindario pero sin resultado. A prepara grupo di rescatista y rangernan pero un rato despues e rangernan cu tabata buscando a nota un lus ta zwaai riba Sero Arikok y a bin resulta un di esnan perdi y abao na pia di e sero e otro. Mirando e cantidad di ora sin nada di bebe ni come a ofrece nan awa pa nan sed. A bay cu nan na e entrada di parke pa polis tuma nan declaracion y regresa sano y salvo cu e otro parti di e grupo.