Diaranzon madruga a drenta informe di cu security na e boom di salida di parkinglot na Holiday Inn tin un chauffeur burachi wanta pa e no sali cu auto bao influencia, mesora a dirigi un patruya na e sitio. Na yegada di e patruya e security a indica na polis cu e chauffeur ta bastante bebi y no ta responsabel pa lague subi caminda den e situacion cu e chauffeur ta aden. Polis a intermedia y a logra haya un yiu muher di e chauffeur cu a bin busk’e y hib’e cas anto den transcurso di dia lo bin busca e auto.