Diabierna mainta a drenta informe di cu cacho lo a ataka un persona banda di Scol Dununman na Piedra Plat. Mesora a dirigi tanto polis como ambulans na e sitio. Na yegada di e patruya a bin compronde cu a lo menos dies cacho lo a ataka un postbode y herid’e. Polis a haya informe di cu na un cas eynan lo tin nuebe cacho y tur ta cana los rond. Polis a purba di localisa e doño pero niun hende no a sali for di e cas. Na yegada di e ambulans nan a atende cu e victima y a transporte pa Hospital. Polis a tuma datos di e susedido aki. Tin di nota cu aunke tin ley di cacho, e departamento corcerni cu esaki no ta funcionando. Awe24.com a intervista juffrouw di scol Dununman cu por conta un poco mas di e situacion di e cachonan den e bario.