Diabierna atardi a drenta informe di un accidente cu hende herida na Mabon, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un autobus a bay dal un U-Turn pero no a hiba na cuenta cu tabata bini un Honda su tras y esaki a bin dal den banda dilanti net unda e chauffeur ta sinta. Debi na e fuerte impacto 2 persona a resulta herida. Na yegada di e ambulans nan a atende ambos victima di cual e chauffeur so a ser transporta pa hospital mientras e otro cu tabata un pasahero den e autobus a ser atendi na e sitio mes.