Diabierna anochi a drenta informe di un accidente cu hende herida dilanti Certified Megamall, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un Hyundai Accent biniendo for di pariba a bay bira na su man robes pa bay e area di ex-Bushiri Hotel pero no a duna preferencia na un motociclista biniendo for di pabao y nan a impacta frontal. Debi na e impacto aki e motociclista a resulta herida. Na yegada di e ambulans nan a atende e motociclista y a transporte pa hospital.