Diadomingo atardi a drenta informe di un accidente cu hende herida na Moko, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un chauffeur burachi den e Chevrolet blanco a bay subi caminda net ora e Kia preto ta bini di zuid, ora e chauffeur di e Kia a wak e auto ta bay subi a purba evita impacto y na mesun momento e Chevrolet a primi mas trot y cu consecuencia nan a dal frontal. Den e Kia tabata tin un pareha cu nan yiu, e mama como e yiu a resulta herida den e impacto. Na yegada di e ambulans nan a atende e mama y e yiu herida y a transporta ambos pa hospital. Mientras polis a nota cu e chauffeur di e Chevrolet ta herida y a detene.