Dialuna mainta a drenta informe di un accidente na e crusada di Morgenster unda e auto cu a ocasiona e accidente a core bay, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda un Jeep a sali for di Verano bira bay pabao net ora un auto ta bini for di nort pa sigui stret y nan a dal frontal. Asina mes despues di a accidenta e Jeep a sigui core bay y a bira na man robes bay para dilanti Trimline y e chauffeur a core baha laga yabi aden. Un familiar cu tabata den e otro auto a core baha bay tras di e Jeep y ela puntra eynan ta ken ta core e Jeep y ningun hende tabata bisa ken. E familiar a nota e jabi di e Jeep y a coy esaki den beslag pa duna polis. Ora polis tabata atendiendo e accidente na e Jeep e chauffeur a aparece y polis a duna e chauffeur como tambe e doño di e auto un scual ya cu e mester a para ora ta envolvi den un accidente, si core bay ta core e risico pa bay sera den cel.