Diamars mainta a drenta informe di cu tin un mucha no ta hala rosea na un creche, mesora a dirigi 2 ambulans y tambe polis na e sitio. Na yegada di e patruya ya e prome ambulans a yega y a bay atende e mucha. E paramediconan di ambulans a haya e mucha diripiente halando rosea pero toch a revisa e mucha y monitorea su condicion. Mientrastanto e mama a yega tur spanta pero a sinti un alivio ora ela tende cu e mucha ta halando rosea y tur cos ta indica cu e mucha ta ok. Despues di un evaluacion e mama mes a bay cu e mucha y a keda di pasa na su pediatra pa check e mucha.