Diahuebs atardi a drenta informe di cu un waverunner lo tin problema na Eagle Beach. Mesora a dirigi un patruya na e sitio. Na yegada di e patruya a bin compronde cu aki ta trata di cu un waverunner cu un persona riba dje lo a drif bai. Mesora polis a actua y a hala atencion di e compania cu ta huur e waverunner. Tin di nota cu e compania aki ya lo ta conoci pa tin problema cu waverunner. E compania a manda waverunner y boto pa bai rescata e waverunner y persona cu ta drif bai. Y e compania a logra rescata e persona y e waverunner. Polis a tuma datos di e susedido aki.