Diasabra atardi a drenta informe di un accidente unda cu a start un pelea un di nan a keda “knocked out”, mesora a diri patruya na e sitio. Na yegada di e patruya a bin compronde cu aki ta trata di un accidente unda un chauffeur a bay demasiado na man robes y su spiel a dal cu e spiel di e auto di direccion contrario maneha pa un dama. Eynan a start un discucion y e casa di e dama a dal e chauffeur burachi y esaki a cay abao “knock out” cu un kap patras di su cabes. Polis a pidi presencia di ambulans pa atende e kap. Polis a detene e homber cu a dal e chauffeur mand’e vloer. Na yegada di e ambulans a atende e victima. Despues di e atencion medico polis a laga e chauffeur supla y esaki a surpasa e limite permiti y a detene tambe.