Diasabra anochi a drenta informe di cu tin un chauffeur coriendo malo riba caminda di caminda di Santa Cruz bayendo zuid. E patruya a logra para e auto banda si Wendy’s Santa Cruz a laga e chauffeur supla pero polis mes a nota cu aki tin algo cu no ta bon cu e chauffeur. A bin resulta cu e ta un paciente di alzheimer y cu en realidad e no ta permiti pa core auto. Polis a papia cu e chauffeur y a dicidi pa hib’e warda di Santa Cruz y yama un familiar pa bin busca e y e auto.