Diaranson atardi a drenta informe di un accidente cu hende herida na Avenida Milio Croes. Mesora a dirigi tanto polis como ambulans na e sitio. Na yegada di e patruya a bin compronde cu un Kia Picanto blanco lo no a duna preferencia na un otro Kia Picanto blanco y nan a accidenta. Dos persona a resulta levemente herida. Na yegada di e ambulans nan a atende cu e victima na sitio mes. Ambos auto no por a move di nan mes. Un takelwagen mester a bin p’e y e otro nan a push’e hal’e banda di caminda.