Diahuebs mainta a drenta informe di un accidente cu hende herida y pega den auto cu a kentel na Hooiberg, mesora a dirigi tanto polis, ambulans como tambe e equipo di rescate di bombero. Na yegada di e patruya a bin compronde cu un dama chauffeur bayendo pabao a desvia pa un cacho perde control bay na banda drechi di caminda dal riba “vangrail” bay na banda robes di e caminda cay den rooi y kentel. E auto a keda den banda riba algun rama di mata. Na yegada di e ambulans tabata un poco dificil pa saca e dama mientras na yegada di e bomberonan cu ayudo di e trapi a logra saca e dama for di e auto y e personal di ambulans a tuma e dama, a atende y transporte pa hospital.