Diasabra madruga durante cu polis tabata atendiendo un accidente na Pos Abao a tende un sonido y a bira wak un otro accidente a sosode den cercania poco mas pabao. Mesora nan a cana bay check kiko a pasa. A bin resulta cu aki ta trata di un accidente entre 2 auto unda e chauffeur di e Toyota Yaris no a regula su velocidad ni a mantene distancia a bay dal tras di un vehiculo s.u.v. E impacto tabata fuerte y e chauffeur di e Yaris a resulta herida kehando di dolor na su pecho. Na yegada di e ambulans nan a atende e victima y a transporte pa hospital.