Diabierna mainta a drenta informe di un accidente cu hende herida pabao di e brug riba e Green Corridor pariba di e rotonde Balashi, mesora a dirigi tanto polis como ambulans na e sitio. Na yegada di e patruya a bin compronde cu e chauffeur a perde control bay dal riba e muraya di e median perde un wiel bira 180 grado y bay dal un otro auto cu tabata su tras. Debi na e impactonan e chauffeur a resulta herida. Na yegada di e ambulans nan a atende e victima cu a resulta levemente herida.