Diasabra madruga a drenta informe di cu algun motociclista a tribi di sera caminda dilanti club nocturno na Tanki Leendert y a haci fever, mesora a dirigi patruyanan na e sitio. Na yegada di e patruyanan e motociclistanan a bandona e sitio den diferente direccion. Na altura di e rotonde Bushiri polis a logra para 2 di nan cu no a sera e caminda ni tabata haci fever pero si tabata cu nan. Polis a hala nan atencion y a avisa nan pa bisa nan amigonan pa no haci esey mas ya cu nan ta core e riesgo cu polis ta confisca nan brommer y no lo hay’e mas y esaki acompaña cu un boet basta halto.