Diadomingo madruga a drenta informe di losmento di tiro na un club nocturno na Palm Beach, mesora a dirigi patruyanan na e sitio. Na yegada di e patruya a bin compronde cu aki ta trata di un persona dilanti un club nocturno a para y los un tiro riba un Nissan March y esaki a bandona e sitio na careda. E sospechoso cu a dispara tambe a bandona e sitio. Algun testigo a señala na polis cu e auto ta bayendo direccion di otro club nocturno. Polisnan a logra para esaki banda di La Granja. Polis a baha tur 4 persona y a listra nan como tambe nan a busca den e auto. Polis a logra haya un arma blanco pero niun arma di candela. Polis a tuma nan personalia y despues nan por a sigi nan caminda. Siman pasa a sosde algo similar na e pompstation Sasaki unda un homber color scur a baha for di un auto y a los un tiro riba un Nissan March. Polis ta pidi pa esunnan cu por sa di e caso aki y esun di siman pasa pa comunica cu polis via e TIPLINE di polis. Esaki pasobra si sgi asina inocentenan por bira victima.