Dialuna madruga a drenta informe di un accidente cu hende herida na Shaba, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di e Honda shinishi a perde control bay, baha caminda y bai dal riba e auto blanco maneha pa un dama den e direccion contrario. Debi na e impacto e dama a spanta y a resulta herida. Na yegada di e ambulans a atende e dama y a transporte pa hospital. E chauffeur no por a supla y a ser considera como burachi den e grado di mas halto y a detene. Un amigo cu tabata hunto cun’e tambe na momento cu a bay detene a core sconde den mondi pero toch polis a logra gar’e y a detene tambe.