Diaranson mainta a drenta informe di un accidente cu hende herida poco panort di e rotonde Tanki Flip, mesora a dirigi tanto polis como ambulans na e sitio. Na yegada di e patruya a bin compronde cu un auto bayendo zuid yegando e rotonde Tanki Flip a bay bira na man drechi pa bay na un snack pero no a duna preferencia na e ciclista siguiendo stret na su banda drechi y nan a dal den otro. E ciclista tabata keha di dolor na su man. Na yegada di e ambulans nan a atende e hoben victima.