Diahuebs madruga a drenta informe di cu tin un pickup coriendo “roekeloos” y tin hende den e baki riba e caminda di Bubali Superfood bayendo pariba, mesora a dirigi un patruya na e sitio. Despues di un rato a drenta un otro informe di e mesun pickup aki cu number A16592 bayendo pariba na e rotonde Tanki Flip. Ta te dilanti oficina di Digicel na Tanki Leendert cu polis a logra par’e. Polis a test e chauffeur y ela surpasa e limite permiti, un dama cu a bay baha for di e pickup a dal abao. Polis a detene e chauffeur y a logra laga e otronan na pia.