Diahuebs merdia a drenta informe di un accidente cu hende herida na e rotonde Ponton riba E.J. “Watty” Vos blvd., mesora a dirigi tanto polis como ambulans na e sitio. Na yegada di e patruya a bin haya e ciclista sinta abao kehando di un poco dolor pero e no tabata desea ni tabata tin mester di atencion di ambulans segun e victima mes. Pero asina mes e ambulans a presenta y a controla e ciclista. Pa locual ta e accidente mes e ciclista a bay crusa riba un zebrapad cual ta destina unicamente pa peatonnan pero na e momentonan ey un dama chauffeur di edad no a mira e ciclista y a dal e bent’e abao. Ambulans a revisa y a atende e victima na e sitio mes.