Diasabra madruga a drenta informe di cu auto lo a dal un cacho mata na altura di e pompstation na Ponton, mesora a dirigi un patruya na e sitio. Na yegada di e patruya a bin compronde cu un chauffeur bahando for di Ponton a hay’e diripiente cu un cacho lo a core crusa su dilanti di tal forma cu e ni por a desvia pa e cacho y a dal e. E cacho a muri instantaneamente y e chauffeur awor a hay’e cu hopi gasto pa drecha su auto. E cacho ta mustra un cacho cuida y si e doño di e cacho bini dilanti na polis e lo por cubri e gastonan pa reparacion di e auto. Cacho den cura, ley e ta!