Diadomingo madruga a drenta informe di un accidente na Schotlandstraat, mesora a dirigi patruya na e sitio. Na yegada di e patruya a bin compronde cu aki ta trata di un accidente entre un auto y un truck unda e chauffeur di e Toyota Isis no a duna preferencia na e truck y ela sali dilanti e truck y nan a dal den otro. Polis a nota cu e chauffeur di e auto ta basta burachi y ora a pone supla esaki a surpasa 800 μgl. Eynan mesora a detene y a transporte pa warda di polis.