Dialuna anochi a drenta informe di un pelea cu tubo na un supermercado banda di postkantoor na Oranjestad, mesora a dirigi un patruya na e sitio. Na yegada di e patruya a bin compronde cu aki ta trata di un pareha hulandes europeo cu a bay crusa dilanti misa y e auto lo mester a touch e señora y e homber a bay reclama e chauffeur unda esaki a baha cu un tubo y maltrata e pareha. Pero na e momentonan ey ya e agresor a bay for di e sitio. E victimanan a duna polis e number di e auto pa asina haya sa ken e ta. Polis a indica e victimanan pa bay recherche entrega keho.