Diaranson mainta a drenta informe di cu tin huma saliendo for di un cas na Gasparito, mesora a dirigi tanto polis como bombero na e sitio. Na yegada di bombero a bin nota enberdad cu huma tabata sali for di riba e dak di e cas pero e cas mes no ta na candela. Bomberonan a bula drenta cura pa asina wak kiko ta e huma. A bin resulta cu aki ta trata di un waya na e cas tabata saca chispa y esey tabata produci e huma. Bomberonan a kita e coriente y a avisa Elmar pa bin revisa e kabel aki.