Diadomingo marduga a drenta informe di un accidente basta serio entre un auto y 2 brommer, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un chauffeur di un SUV Kia Sportage tabata bayendo direccion pariba riba Green Corridor na e banda robez di e caminda y na altura di Young Fellow a topa dos brommer su dilanti coriendo tambe na e banda robez y e Sportage sin a brake ni baha velocidad a dal tras di e brommernan bentando ambos abao lastrando algun meter ocasionnan varios lesion na nan curpa mientras e auto mes a perde control dal na e acera y bolter. Polis a nota cu e chauffeur tabata bastante bao influencia y a detene mesora. Na yegada di e ambulans nan a atende ambos victima y a transporta nan pa hospital. Un di e victima ta mas seriamente herida compara cu e otro.
