Diadomingo anochi a presenta un pareha cu un mucha homber hopi golpia y herida na Centro di Justicia. Segun e pareha tabata tin 2 hoben ta bringando cun’e na e crusada pabao di 88 Foodmart y nan a purba yud’e pa e a yega na warda pa yudansa. Eynan e victima tabata asina furioso cu ela destrui e bentana di e auto di e pareha. Polisnan a hib’e den warda y a yama pidi pa ambulans. Asina mes den warda e tabata asina agita y rabia cu hasta polis mester a bay asina leu di pone su mannan na boei pa por a atende cun’e. Na yegada di e ambulans nan a atende y a transporte pa hospital.