Diamars merdia a drenta informe di cu tin un mucha muher turista di apenas 6 aña cu ta perdi, mesora a dirigi un patruya na e sitio. Na yegada di e patruya a bin compronde cu e mama turista a bisa su yiu pa e keda eynan y a bay bolbe na su regreso e no a mira su yiu mas. Na gritamento yoramento tur desespera e tabata grita. Algun turista a yud’e tira bista rond pa e mucha aki di 6 aña, pero sin resultado. Polis tambe tabata busca pero nada. Despues di un rato a drenta informe di cu na Manchebo nan a haya un mucha cu tabata cana su so banda di beach y a haya esey peligroso y nan a want’e eynan te ora polis a yega. Na yegada di e patruya eynan a tuma e mucha over y a bay hib’e cerca su mama na Eagle Beach.