Diabierna atardi a drenta informe di un accidente cu hende herida na De La Sallestraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente di cadena entre 3 auto unda e chauffeur di un Kia no a regula su velocidad ni a mantene distancia a bay dal tras di un otro Kia y consecutivamente ela bay dal tras di un Hyundai. Debi na e fuerte impacto e dama den e Hyundai a resulta herida y tabata keha di dolor. Na yegada di e ambulans nan a atende e victima y a transporte pa hospital.