![](https://www.awe24.com/wp-content/uploads/2023/11/5ca2dc2b-161f-4455-b103-100231fbd3ce-668x334.jpeg?v=1699773701)
Diasabra merdia a drenta informe di un accidente cu hende herida dilanti Quality Apartments na Schotlandstraat, mesora a dirigi tanto polis como ambulans na e sitio. Na yegada di e patruya a bin compronde cu e dama chauffeur di Honda CRV a bay haci un U-Turn pero no a mira e Hyundai Accent di direccion contrario y a dal riba dje den banda di e chauffeur. Door di e inpacto e dama chauffeur di e Accent a resulta herida. Na yegada di e ambulans nan a atende e victima na e sitio mes.