Diasabra atardi a drenta informe di un candela na e ex-edificio di Oduber Contractors na Barcadera, mesora a dirigi tanto polis como bomberonan na e sitio. Na yegada di e patruya a bin compronde cu e trahadornan tabata desmantelando y probablemente un chispa lo a bula bay cay den e yerbanan seco den e cura y a pega esaki na candela. Mesora a logra combati y paga e candela evitando asina un posibel expansion.
