Esaki sigur lo bira un aña cu por bai wordo recorda como un aña pober di musica pa fin di aña.
Contrario na e añanan anterior caminda semper tawata scucha e gruponan musical den pueblo treciendo nan repertorio pa fin di aña, e biaha aki no ta scucha di e gruponan aki mas y tampoko muchu produccion di cancionnan pa fin di aña.
Esaki sigur ta e ambiente y un tradicion di nos, pa fin di aña cuminsa scucha e diferente gruponan den cayanan, caminda cu localnan y turistanan ta disfruta di e dushi ambiente cu tin riba nos isla.
Apesar di e situacion aki nos a wordo sorprendi cu grupo Melodia ta lansa un bunita produccion pa fin di aña pa asina ainda por trese e ambiente y alegria den pueblo pa e temporada aki.
Pa grupo Melodia esaki ta un tradicion cu pa hopi aña ta presenta un produccion pa e diferente temporadanan di aña, pero sigur esun di fin di aña cu nan musica unico pa deleita nan fanaticonan y pueblo engeneral.
For di algun luna caba e agrupacion aki ta preparando y a drenta studio di grabacion pa cuminsa cu nan grabacionnan, pa awe nan por tin nan musica un biaha mas pa presenta cu ta di agradeci y aprecia cu nan ta mantene e temporada aki bibo pa nos por celebra e fin di aña.
E produccion aki ta consisti di un variedad di ritmo y cantante cu ta trese e ambiente alegre y bailable cu un y tur por tin e alegria na cualkier momento di un actividad of na cas.
E produccion ta uno cu no por falta pa e fin di aña aki y ta obtenibel pa 25 florin, solamente riba USB stick.
Por jama numbernan 730-1214 of tambe 567-1664 pa pidi pa esun dibo y si ta posibel nan por hasi entrega di esaki tambe.
Grupo Melodia kier a desea e pueblo for di awor pa pasa un dushi temporada di fin di aña, y cu e felicidad y prosperidad por jega den tur hogar.