ORANJESTAD: Siman pasa diabierna, durante ceremonia di Premio Excelencia den Deporte 2022 na Renaissance Convention Center, a reconoce algun baluarte den deporte di Aruba. Durante e ceremonia special aki, a honra Sr. Manuel Andrade Da Silva Vargem, miho conoci como Manuel Da Silva. Sr. Da Silva a yega Aruba na aña 1972. Prome deportecu Sr. Da Silva a hunga na Aruba tabata futbol pa e cub di Primavera, desde su inauguracion na aña 1974. Mas adelantea hunga pa Union Belast y Bubali Vets. Ademas di e deportedi futbol, Sr. Da Silva tabata pratica karate y atletismo. Na aña1982, Manuel a core Marathon International na Aruba cu Concorde Hotel tabata organisa y a sali e miho coredo di Aruba. Den transcurso di e aña ey, Sr. Da Silva a bay representa Aruba den New York Marathon di un careda cu tabatin mas cu 16 mil coredo y a logra yega den e grupo di eprome 2 mil coredonan. Na aña 1980, Sr. Da Silva a birapresidente di club portugues, eynan el a organisa varios torneodeportivo. Na 1986 el a bin cu e idea pa forma un comision di Aruba, incluyendo IDEFRE. Sr. Da Silva no solamente tabataorganisa e actividadnan, pero tambe tabata competi den hopidi nan y a gana hopi competencia di futbol y atletismo. Sr. Da Silva tabata activo den deporte y cultura durante variosdecada na Aruba. Sr. Da Silva tambe tabatin un programa di radio, yama Portugal di Aruba, pa mas di un decada, unda cu tur diadomingo tabata presente na e programa di radio pa presenta musica, noticia y deporte di Portugal. Minister Endy Croes ta felicita Manuel Da Silva cu su reconocemento y ta gradicie pa su contribucion den e desaroyo di deporte di Aruba. Sr. Manuel Da Silva ta un ehempel di cu deseo, disciplina, dedicacion y determinacion ta logra.