Diasabra atardi a drenta informe di cu tin un brommer parecido na esun cu nan a horta for di dje y a avisa polis. Na yegada di polis algun di e personanan a bandona e sitio y esey a crea e impresion sospechoso. Enberdad e brommernan ta mescos pero e doño di e carwash a bin cu e papelnan y e registro di cu e brommer ta di dje. Di tur forma polis a confisca e brommer y a bay warda di polis cun’e y a bisa e doño pa presenta cu tur e documentonan na warda di polis na Shaba pa asina debolbe su brommer. Pa falta di un documento polis no a lag’e bay cu e brommer pasobra tabata falta e comprobante di seguro. E doño a keda di busca esaki y trese pa polis. E homber a keda hopi rabia ya cu e accion aki cu hopi patruya a crea un mal impresion di su negoshi.