GABILAN PISCADO
(Pandion haliaetus), Osprey
Bo por haya nan na areanan banda di costa of lagoen grandi.
Nan ta mas grandi cu e warawara y su halanan ta habri hopi hancho. Nan ta bula halto riba e awa (lama) pa asina mira su prooi y cu su garanan atrapa e piscanan. Nan sa traha nan neishi masha grandi mes den matanan pelon of palonan halto. E Gabilan Piscador cual ta parhanan protegi ya caba tabata den peliger di extincion den e decada 70 unda tabata usa DDT y otro pesticidanan. Algun a logra scapa despues di cu leynan a prohibi e uso di e pesticidanan toxico aki.

E Gabilan Piscado tin hala cu ta midi entre 1.50m pa 1.70 y ta e parha jaagdo di mas grandi na Aruba.

Por reconoce e parha aki door di su cabes blanco cu strepinan scur rond di su wowo, su lomba bruin scur y barica color cla.

Aruba ta un lugar importante pa parhanan cu ta pasa riba e ruta migratorio ya cu hopi ta para na Aruba pa sosega, come pa haya mas forsa y sigi pa nan proximo destinacion. Ta un lastima cu e Gabilan Piscador bunita aki ta muri door di e molina di biento aki.