Diaranson atardi polisnan atento di distrito 1 a bay pa para un auto pa un control pero esaki no a para y a trot bay y a start un persecucion cortico cu a bay termina den Ierlandstraat cerca di e adres unda e auto ta registra. Un persona a core sali bay na pia y a logra huy pero un otro a keda y mesora a detene. Polisnan a haya un cuchiu riba nan y a bay over pa controla den e auto eyden a logra haya un “Bivakmuts” cual ta ser usa pa cubri cabes y cara y sa ser usa pa comete atraco. Sigui busca den e auto a logra haya un arma di candela tambe den e auto. Polis a confisca tanto e auto como tambe e cosnan ilegal den dje. E otro sospechoso lo ser busca di sorpresa cu e team di aresto si e mes no presenta y entrega su mes na un di e wardanan di polis.