Diasabra anochi a drenta informe di cu tin un dama di edad pero cu tin problema di salud mental na e pompstation na Wayaca, mesora a dirigi un patruya na e sitio. Na yegada di e patruya nan mester a soporta un sin fin di insultonan di e dama aki. Despues di a laga e dama bisa tur e sorto di palabranan ofensivo asina mes polis tabata tin hopi pasenshi y cu cautela y tactica a bay cu e dama aki pa e ricibi su tratamento y medicamento pa e trankilisa.
