Victima di e accidente na Paradera a wordo manda cu urgencia, cu air ambulance pa Colombia

Diaranzon den oranan di atardi pa anochi, na Dr. Horacio Oduber Hospital a cuminsa cu e preparacionnan pa traslada e hoben kende den oranan di Diaranson marduga tabata envolvi den e accidente di trafico, cu a sosode na altura di Great Rich, na Paradera.
E hoben aki di 24 aña a keda seriamente herida, ela wordo manda den coma door di e mediconan y mesora a cuminsa cu e tramitenan pa mande Colombia, pa asina e por ricibi  e tratamentonan medico mas avansa y cu ta necesario pa e por recupera.
Algo pasa di 9 or y 15 di anochi, e hoben a wordo hiba cu ambulance bou sirena rumbo pa Airport, na momento cu e ambulance tabata yegando airport,  na e parti pazuid cu ta General Aviation, por a mira e pilotonan preparando e avion. Na yegada e hoben victima hopi liher a wordo pasa over den e air ambulance.
Na General Aviation por a mira tambe varios miembro di famia di e hoben wardando e air ambulance sali rumbo Cali, Colombia. E Mama a compaña su yiu den air ambulance, e lo wordo trata na un hospital na Cali yama Valle del Lilli.

Share:

Leave a Reply

Your email address will not be published.