Diadomingo anochi a drenta informe di un caso di ladronicia na e beach dilanti un di e hotelnan na Palm Beach, mesora a dirigi un patruya na e sitio. Na yegada di e patruya a bin compronde cu algun turista a pone nan 2 tasnan bao di un palapa y a drenta lama. Despues di un ora nan a sali y a ripara cu e 2 tasnan a desaparece. Nan hunto cu polis a rondia den e area. Polis a logra haya un di e tasnan pero esaki tabata bashi pues desconocidonan a bay cu e pertenencianan valioso cu tabata den e tas. Polis a tuma nan keho di ladronicia.