Diamars mainta a drenta informe di un accidente cu hende herida y pega den e auto na San Miguel. Mesora a dirigi tanto polis, ambulans y brandweer na e sitio. Na yegada di e patruya a bin compronde cu chauffeur di un auto Maazda cora pa un of otro motibo lo a bai otro banda di e caminda y a dal den un auto shinishi. E impacto tabata fuerte y a causa hopi daño material. Un persona lo ta pega den auto. Na yegada di e ambulans nan a atende cu e victimanan. Na yegada di e brandweer nan mesora a traha pa saca e victima cu su pia lo ta pega bao di e dashboard.