Diadomingo madruga a drenta informe di un accidente net na e splitsing Avenida Milio Croes cu Caya Papa San Juan Pablo II, mesora a dirigi patruyanan na e sitio. Na yegada di e patruya a bin compronde cu aki ta trata di un accidente unda un chauffeur burachi a perde control y a dal un palo di lus kibra. Polis a nota cu e chauffeur ta hopi bebi y a detene. Elmar a ser yama pa bin haci e trabaonan di reparacion.
