Diaranson anochi hopi laat e helicopter di polis durante patruya a nota 3 vehiculo sospechoso coriendo un cu lus paga den e area patras di Daimari, mesora a keda vigila nan movecion pero alabes a notifica varios patruya pa mobilisa nan mes pa e area di Daimari. Minuciosamente a sigi vigila nan te ora nan a yega na un adres eybanda. Na yegada di e patruya a bin compronde cu aki ta trata di un grupo di hoben cu a bay pa busca un Jeep di nan cu lo a daña y nan a bay tow esaki trese bek na e cas. Polis a controla e 3 jeepnan aki ningun di nan tabata tin nan papel na ordo y hasta un di nan no tin plachi number mes. Polis tabata di bay conisca tur 3 vehiculo pero como cu no tin lugar pa pone esakinan na warda polis a hala nan atencion severamente ya cu no por core cu auto sin papelnan na ordo.